پاکستانی فاسٹ بولر احسان اللہ ان دنوں اپنی کہنی کی انجری کے علاج کے سلسلے میں برطانیہ میں موجود ہیں، جہاں کرکٹر کی ماہر ڈاکٹر سے ملاقات ہوگئی۔
قومی ٹیم کے فاسٹ بولر احسان اللہ کہنی کی تکلیف کی تشخیص کیلئے برطانیہ پہنچے تھے، جہاں ان کی آرتھوپیڈک سرجن پروفیسر ایڈم واٹس سے اپائنٹمنٹ تھی۔
آرتھو پیڈک سرجن پروفیسر ایڈم واٹس ہاتھ اور کلائی کی سرجری، کندھے اور کہنی کے طریقہ کار، اسپورٹس انجریز اور ٹراما سرجری میں مہارت رکھتے ہیں۔اُنہوں نے احسان اللہ کی انجری کا مکمل معائنہ کیا۔
آرتھو پیڈک سرجن پروفیسر ایڈم واٹس کے مطابق اگلے ایک دو روز میں جامع رپورٹ پیش کی جائے گی، احسان اللہ کو دوبارہ سرجری کے عمل سے بھی گزرنا پڑ سکتا ہے۔
واضح رہے کہ نوجوان فاسٹ بولر کے کہنی کے مسئلے کی غلط تشخیص اور اس کے بعد غلط سرجری نے 21 سالہ ٹیلنٹڈ فاسٹ بولر احسان اللہ کا مستقبل داؤ پر لگا دیا۔
احسان اللہ کی انجری سے متعلق بڑی اپ ڈیٹ
احسان اللہ جو گزشتہ برس پی ایس ایل میں اپنی تیز رفتار سے مخالف ٹیموں پر دھاک بٹھانے اور قومی سلیکٹرز کو اپنی جانب متوجہ کرکے گزشتہ برس افغانستان کے خلاف کھیلی گئی ٹی 20 سیریز اور نیوزی لینڈ کے خلاف راولپنڈی میں کھیلے گئے ایک روزہ میچ میں ملک کی نمائندگی کر چکے ہیں لیکن اس کے بعد سے منظر عام سے غائب تھے۔
